3 ay əvvəl yaranan şirkət elmi-tədqiqat işi aparacaq

SON XƏBƏR

AMEA-da təyinatlar - Yeni şöbələr yaradıldıAzərbaycan Milli Elmlər Akademiyasında (AMEA) yeni şöbələr yaradılıb, kadr təyinatları olub. Qaynarinfo xəbər verir ki, bu barədə qurumun Rəyasət Heyətinin iclasında qərar qəbul edilib. Belə ki,..
"Rusiya yaxın günlərdə Ukrayna ərazisinə hücumları gücləndirəcək" - ABŞ institutuRusiya yaxın günlərdə Ukrayna ərazisinə hücumları gücləndirəcək. "Report” xəbər verir ki, bu barədə ABŞ-nin Müharibə Araşdırmaları İnstitutunun son hesabatında yazılıb. Qeyd olunub..
Sabiq deputatın qardaşı oğlunun 350 min vergi borcu var - Ramiz Mehdityevin qohumudurSabiq deputat İlham Əliyevin qardaşı oğlu Səftər Əliyevin direktoru olduğu "Hazarbalıq" Məhdud Məsuliyyətli Cəmiyyətinin dövlətə külli miqdarda vergi borcu yaranıb. Qlobal.az "Qaynarinfo"-ya ist..
Tanınmış iş adamı Milli Məclis TƏDARÜKÜNDƏ... - İDDİAAzərbaycanda Rəqabət Məcəlləsinin qəbul olunması inhisarçı biznesdə təşviş yaradıb. Uzun illərdən bəri müxtəlif sahələrdə rəqabətin qarşısını "əjədəha” kimi kəsən iş adamları bizneslərini qorumaq üçün..
Azərbaycan neftinin qiyməti 89 dolları ötübDünya bazarında "Azeri Light" markalı Azərbaycan neftinin 1 barelinin qiyməti 1,03 ABŞ dolları, yaxud 1,17 % artaraq 89,33 ABŞ dolları təşkil edib. Bu barədə "Report"a neft bazarındakı mənbə məlum..
ABŞ İranın şirkətlərinə və fiziki şəxslərinə sanksiya tətbiq edibABŞ zəruri infrastruktur obyektlərinə kiberhücumlarda iştirak etdiyi iddia olunan İranın iki şirkətinə və bu ölkədən olan dörd şəxsə qarşı sanksiyalar tətbiq edib. "Report” xəbər verir ki, bu bar..
Hadrut yenidən qurulur - Ən son görüntülərİşğaldan azad olunan Hadrutda yenidənqurma işləri davam edir. Bununla bağlı görüntülər İTV-də yayımlanıb. Bildirilib ki, burada tikilən hər bir bina xüsusi memarlıq üslubuna görə seçiləcək. Artı..
Bakıda taksilərin qiyməti bahalaşdı (VİDEO)Taksilərin qiymətində artım müşahidə olunur. Sürücülər deyir ki, 1999 və 2000-ci il istehsalı olan avtomobillər taksi fəaliyyətindən kənarlaşdırıldığına görə, avtomobillərin sayında azalma var. Bu ..
Prezident İlham Əliyev Azərbaycanın uğurlarının səbəbini açıqladıAzərbaycan Prezidenti İlham Əliyev ADA Universitetində keçirilən "COP29 və Azərbaycan üçün Yaşıl Baxış” mövzusunda beynəlxalq forumda ölkəmizin uğurlarının səbəblərindən danışıb. Dövlət başçısı bun..
Azərbaycanın U-17 millisi Belarusa uduzdu17 yaşadək futbolçulardan ibarət Azərbaycan milli komandası Belarusun paytaxtı Minskdə təşkil olunan İnkişaf Turnirində bu gün ilk oyununu keçirib. Qaynarinfo xəbər verir ki, yığma "ABFF Techn..

3 ay əvvəl yaranan şirkət elmi-tədqiqat işi aparacaq – Şübhəli tender

Aprel 07

12:00 2021

Azərbaycan Milli Aerokosmik Agentliyinin Elmi Tədqiqat Aerokosmik İnformatika İnstitutu tərəfindən keçirilən tender müsabiqəsinin qalibi məlum olub.

Açıqlanan rəsmi məlumatlara görə, tender müsabiqəsinin qalibi "Elson AZ” MMC olub.

Elmi Tədqiqat Aerokosmik İnformatika İnstitutu "Məsafədən zondlama üsul və vasitələrinin neft qaz sənayesində yaranan ekoloji və nasazlıq problemlərinin həll edilməsində tətbiqi məsələləri” mövzusunda elmi – tədqiqat işi üçün "Elson AZ” MMC-yə 24 min 900 manat ödəyəcək.

Məlumat üçün bildirək ki, Elmi Tədqiqat Aerokosmik İnformatika İnstitutu üçün elmi-tədqiqat işi aparacaq "Elson AZ” MMC cəmi 3 ay əvvəl – 11.01.2021-ci il tarixində dövlət qeydiyyatına alınıb. Nizamnamə kapitalı 10 manat olan "Elson AZ” MMC-nin hüquqi ünvanı "Səbail rayonu, Abbasqulu Abbaszadə, ev 1/B”də yerləşir. MMC-nin qanuni təmsilçisi Qarayev Seymur Vəliy oğludur.

Maraqlı məqamlardan biri də odur ki, "Elson AZ” MMC-nin dövlət qeydiyyatına alındığı ünvanda yanvar ayının 11-də daha 13 şirkət qeydiyyata alınıb və bu şirkətlərin qanuni təmsilçiləri də eyni şəxslər olub.

"Elson AZ” MMC ilə birgə "Səbail rayonu, Abbasqulu Abbaszadə, ev 1/B” ünvanında qeydə alınan şirkətlərin bəziləri bunlar olub.

Məlumat üçün onu da bildirək ki, "Dövlət satınalmaları haqqında" Qanunun 6-cı maddəsində malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlığının olması lazımdır.

Cəmi 3 ay yarım əvvəl yaranan, nəinki rəsmi veb-səhifəyə, hətta sosial şəbəkə hesabına sahib olmayan bir şirkətin elmi-tədqiqat işini hansı təcrübə və peşəkarlıqla icra edəcəyi sahib olacağı aydın deyil.

Onu da bildirək ki, Elmi Tədqiqat Aerokosmik İnformatika İnstitutu ötən ay keçirilən tender müsabiqəsində qalib olan "Sanafen Constraksen” MMC-yə cari təmir üçün 44 min 830 manat ödəyəcək.

Məlumat üçün bildirək ki, "Sanafen Constraksen” MMC də 5 ay əvvəl – 16.11.2020-ci il tarixində dövlət qeydiyyatına alınıb. Nizamnamə kapitalı 10 manat olan "Sanafen Constraksen” MMC-nin hüquqi ünvanı "Nizami rayonu, Məşədi Hilal Kazımov, ev 40”da yerləşir. MMC-nin qanuni təmsilçisi İbrahimov Sabir Şamil oğludur.

Maraqlı məqamlardan biri də odur ki, "Elson AZ” MMC kimi "Sanafen Constraksen” MMC-nin də dövlət qeydiyyatına alındığı ünvanda yaxın tarixlərdə yüzlərlə şirkət qeydiyyata alınıb və bu şirkətlərin bəzilərinin qanuni təmsilçiləri də eyni şəxslər olub.

(Yeniavaz.com)