SON XƏBƏR

Azərbaycanlı qadınları təhqir edən gömrük işçisi kimdir? - Rəsmi açıqlama (VİDEO)

Yanvar 05
15:06 2018
Gömrük Komitəsinin işçisinin (Qazax Gömrük keçid Məntəqəsinin) biabırçı videosu yayılıb. 
 
Sosial şəbəkələrdə yayılan və ciddi etirazlara səbəb olan videoda açıq-aydın görünür ki, vəzifəsini icra edən gömrük işçisi azərbaycanlı qadınları kobud rəftar və küçə sözləri ilə təhqir edir. Ailəsinin sosial vəziyyətini yaxşılaşdırmaq üçün min cür əziyyətə qatlaşan insanları təhqir etmək dövlət məmurlarına yaraşmır. Sosial şəbəkələrdə yayılan bu video, insanlar tərəfindən də xoş qarşılanmamaqla yanaşı, həm də dövlətimizin nüfuzuna ciddi zərbə vurur.
 

 
***
Məlum video ilə bağlı Dövlət Gömrük Komitəsi açıqlama yayıb. 
 
Qlobal.az Dövlət Gömrük Komitəsinin açıqlamasını təqdim edir:
 
"Yanvarın 5-də internet portallarının birində "Aydın Əliyevin işçisinin görünməmiş vəhşiliyi" adı altında gömrük əməkdaşının sərhədi keçmək istəyən insanlarla kobud rəftarını əks etdirən video yayımlanıb: "Videonun 3 cümlədən və müəllifinin adı, soyadı da daxil olmaqla 60 kəlimədən ibarət olan açıqlamasında isə hadisənin baş verdiyi yer, vaxt, gömrükçünün kimliyi, qarşı tərəfin mövqeyi, rəsmi açıqlama, bir sözlə xəbərin əsas ünsürlərindən əsər əlamət yoxdur. Sadəcə videoyazının yeni il öncəsi qeydə alındığı bildirilir. Üstəlik bəzi internet resursları da ağına, bozuna baxmadan həmin məlumatı tirajlamaqla məşğuldur”.
 
Dövlət Gömrük Komitəsi videonu yayan və ağına bozuna baxmadan tirajlayan qurum və şəxslərin diqqətinə çatdırır ki, bu hadisə 2016-cı ilin noyabr ayında baş verib: "Hadisədən dərhal sonra gömrük əməkdaşı gömrük orqanlarından xaric olunub. Üstəlik bu barədə ölkənin aparıcı kütləvi informasiya vasitələrində Dövlət Gömrük Komitəsinin rəsmi mövqeyi də daxil olmaqla ətraflı məlumat yayılıb.Təqribən 14 ay əvvəl baş verən hadisənin yeni kimi təqdim olunması təəssüfdoğurucu haldır. Əsas işi xəbər olan media qurumları həm də yaydıqları xəbərlərin, məlumatların doğruluğu, qərəzsizliyinə də birbaşa məsuliyyət daşıyır. Görünür bəziləri üçün bu meyarlar o qədər də əhəmiyyət daşımır. Əks halda xəbərin dəqiqliyini yoxlamaq üçün qarşı tərəfin mövqeyini öyrənməyə cəhd göstərərdilər.
 
Bu isə o deməkdir ki, məlumatı yayan xəbər portalı ya bunu sifarişlə həyata keçirir, ya da hansısa jurnalist internetdə qarşısına çıxan videonu işlədiyi qurumun rəhbərinə bilərəkdən və ya bilməyərəkdən yeni kimi təqdim edir, onun xeyir-duasını alır və qarşı tərəfin mövqeyini öyrənməyə ehtiyac görmədən birlikdə cəmiyyəti aldadırlar".(Teleqraf.com)
 
Qlobal.az




Oxşar xəbərlər

XƏBƏR LENTİ

Facebook