Bakı, Sumqayıt və Abşeronda koronavirusa yoluxanların sayı açıqlandı
Aprel 03
21:40
2020
Abşeron yarımadasında koronavirusa yoluxanların sayı məlum olub.
"Report" "Koronainfo.az" istinadən xəbər verir ki, infeksiya daşıyıcılarının 149 nəfəri (40,2%) Bakı şəhərindədir.
Bildirilib ki, onların əksəriyyəti paytaxtın Yasamal (27), Binəqədi (23), Nəsimi (23) və Nərimanov (19) rayonlarındandır.
Koronavirus paytaxtın Xətai (13), Səbail (10), Qaradağ (9), Sabunçu (7), Suraxanı (5), Xəzər (3), Pirallahı (2) və Nizami (2) rayonlarında da qeydə alınıb.
Eyni zamanda Bakıda daha 6 yoluxma faktı var. Ancaq onların qeydiyyatı qeyri-müəyyəndir.
Bundan başqa, Sumqayıt şəhərində 7, Abeşron rayonunda isə 11 koronavirusa yoluxma halı qeydə alınıb.