Ermənistanın müdafiə naziri: “Biz də təmas xəttinə xüsusi təyinatlılar cəmləşdirmişik...”
İyun 13
14:57
2019
Bu gün iyunun 13-də Yerevanda jurnalistlər müdafiə naziri David Tonoyandan təmas xəttindəki vəziyyət barədə soruşublar.
Virtualaz.org erməni KİV-lərinə istinadən xəbər verir ki, Tonoyan hazırda vəziyyətin "sabit olduğunu” açıqlayıb.
"Dünənki və bu günkü məruzələrə əsasən hazırkı məqamda vəziyyət qismən stabildir”-Tonoyan qeyd edib.
Jurnalistlər bu dəfə Tonoyandan müharibə təhdidi barədə soruşublar, nazir onları əmin edib ki, əgər müharibə təhlükəsi real olsa bu haqda hökmən məlumat verəcək.
Jurnalistlər yenə əl çəkməyiblər, Tonoyana Azərbaycan tərəfinin xüsusi təyinatlılar cəmləşdirməsi haqda xatırladıblar. Tonoyan isə qeyd edib ki, onlar tərəfdən də təmas xəttində xüsusi təyinatlı dəstələr var.
Qlobal.az
