SON XƏBƏR

İlqar Abbasov Şirvanda “karantin vergisi” yığır? – Sahibkarlardan başçıya ittiham...

Sentyabr 07
11:46 2020
Şirvanda dükan-bazar açıldıqdan və sahibkarlar uzun müddət fasilədən sonra fəaliyyətə başladıqdan sonra daha bir problemlə üzləşiblər. Belə ki, karantin qaydalarına nəzarət adı altında Şirvan şəhər İcra Hakimiyyətinin nümayəndələri polis müşaiyyəti olə obyektlərə girir, əsaslı səbəb olmadan sahibkarları iri məbləğlərdə cərimələməklə təhdid edirlər.

Şirvandan aldığımız məlumata görə Şirvan şəhər İcra Hakimiyyətinin əməkdaşlarının bu reydləri başçı İlqar Abbasovun burbaça göstərişi ilə həyata keçirilir və sahibkarlar iddia edirlər ki, məqsəd heç də karantin rejiminə nəzatəri həyata keçirmək deyil, rəsmi və ya qeyri rəsmi şəkildə sahibkarlardan pul toplamaqdan ibatərdir. PİA.az-a müraciət edən sahibkarlardan biri qeyd edib ki, ona 1000 manat cərimə yazılıb. Bundan əvvəl isə ondan qeyri-rəsmi şəkildə pul tələb olunub.

Uzun müddət fəaliyyət göstərə bilməyən sahibkar bildirib ki, aylardır gəlirdən məhrum olmalarına baxmayaraq, icra hakimiyyəti əməkdaşlarının bu tələblərini sadəcə başa düşə bilmirlər. Başqa bir sahibkar isə Pia.az-a bildirib ki, Şirvan şəhər İcra Hakimiyyətinin başçısı İlqar Abbasovun qəsdi abadlıq-yenidən qurma işlərini sahibkarların boynuna yükləmək və büdcəədən bunun üçün ayrılan pulları mənimsəməkdir.

Qeyd edək ki, anoloji məlumat bir neçə gün əvvəl "Facebook” sosial şəbəkəsində, "Bizim Şirvan” səhifəsində də paylaşılıb. PİA.az həmin paylaşımı da oxucularının diqqətinə cəlb edir:

"Şirvanda koronavirus tədbirləri bəhanəsi ilə paltar, ayaqqabı mağazalarını cərimələyirlər. Məqsəd icra hakimiyyətinin büdcəsini doldurmaqdır. Kim ki, pul vermir, koronavirus tədbiri adı ilə obyektinə basqın edib, ağızlarına gələni yazıb, cərimələyirlər.

İcra hakimiyyətinin rəsmi məlumatına görə, Şirvan şəhər Polis şöbəsi tərəfindən Azərbaycan Respublikası İXM-nin müvafiq maddəsi ilə inzibati xəta törətmiş 10 sahibkara 1000 manat məbləğində cərimə yazılıb. Bu adamlar pandemiya dövründə bir qara qəpiyin yiyəsi olmayıblar. Malları borcla götürüblər, banklara borcları var. Sezon bitir, ancaq sezon mallarından hələ də sata bilməyiblər.

Adlarını taq etdiyimiz dövlət orqanları, xahiş edirik, bu barədə ölçü götürəsiz. Bu adamlar sahibkarları dövlətdən incik salırlar. Rayonda abadlıq-quruculuq adı ilə gördükləri işin xərcini sahibkarlara yükləyirlər. Bəsdirin! Camaatı BEZDİRMƏYİN!!!!

Azərbaycan Respublikası Daxili İşlər Nazirliyi Azərbaycan Respublikası Dövlət Təhlükəsizliyi Xidməti Prezident Administrasiyası”.





Oxşar xəbərlər

XƏBƏR LENTİ

Facebook