SON XƏBƏR

Nizami rayonunda koronavirus infeksiyasının (COVİD-19) yayılmasının qarşısının alınması məqsədilə profilaktik tədbirlər davam edir

Aprel 08
12:48 2020
Ölkədə koronavirus infeksiyasının (COVİD-19) yayılmasının qarşısının alınması ilə bağlı Nazirlər Kabineti yanında Operativ Qərargahın tələb və tövsiyələrinə uyğun olaraq Nizami rayonu ərazisində Rayon İcra Hakimiyyətinin təşkilatçılığı ilə profilaktik tədbirlər davam etdirilir.

Rayon ərazisində gündəlik olaraq küçə və prospektlərdə, parklarda, məhəllədaxili yollarda, inzibati binaların, ticarət obyektləri və mağazaların, metrostansiyaların çıxışlarının ətrafları, bankomat və terminallar, yaşayış binalarının həyətləri, blokları, lift kabinələri, məişət tullantıları konteynerləri zəruri avadanlıq və preparatlarla təchiz olunan işçi qruplar tərəfindən dezinfeksiya olunur.

Bundan əlavə, Rayon İcra Hakimiyyətində yaradılan mobil qruplar hər gün sakinlərlə maarifləndirici söhbətlər aparır, koronavirus infeksiyasına yoluxma hallarının qarşısının alınması məqsədilə Nazirlər Kabineti yanında Operativ Qərargahın qəbul etdiyi qərarları və müəyyənləşdirdiyi qaydaları, eyni zamanda Ümumdünya Səhiyyə Təşkilatının tövsiyələrini tam yerinə yetirməyi, yoluxma riskini azaltmaq üçün mümkün qədər evdə qalmağı, xüsusi ehtiyac olmadıqda evləri tərk etməkdən çəkinməyi məsləhət görürlər.

Rayon ərazisində sanitar-gigiyenik vəziyyət nəzarətdə saxlanılır, gündəlik dezinfeksiya işləri davam etdirilir və maarifləndirici tədbirlər daha da gücləndirilir.
 
Qlobal.az 
 

 

 

 

 

 

 

 

 

 

 

 
 

 




Oxşar xəbərlər

XƏBƏR LENTİ

Facebook