Vazgen: “Aprel müharibəsi ilə bağlı araşdırma ordunu sarsıdacaq...”
İyun 04
00:22
2019
2016-cı ili aprel müharibəsi ilə bağlı parlament istintaq komissiyasının yaradılması Ermənistan silahlı qüvvələri üçün olduqca təhlükəlidir.
Virtualaz.org xəbər verir ki, belə açıqlama ilə Ermənistanın ilk müdafiə naziri, prezident yanında İctimai şuranın sədri Vazgen Manukyan çıxış edib.
Mayın 20-də baş nazir Nikol Paşinyan aprel müharibəsi zamanı baş verənlərin araşdırılması üçün komissiya qurulmasının vaxtının çatdığını bildirib. Ermənistan parlamenti bir neçə gün əvvəl belə komissiyanı artıq formalaşdırıb, bu işi müdafiə və təhlükəsizlik daimi Komissiyasına həvalə edib.
"Mən bu komissiyanın yaradılmasını təhlükəli və zərərli sayıram. Komissiyanın yaradılması olduqca təhlükəli nəticələrə səbəb ola bilər ki, mən hətta bu haqda indi danışmağa da çəkinirəm”-Manukyan bildirib.
O əlavə edib ki, deputatların komissiya çərçivəsində ordunun işlərinə qeyri-məhdud qarışması yolverilməzdir. Çünki bu silahlı qüvvələrin müdafiə imkanlarını sarsıda bilər.
"Milli məclis ordunun işlərinə qarışmalı deyil... Hər şeyi korrupsiya ilə mübarizə adı altında dağıtmaq olmaz”-Manukyan bildirib.
Xatırladaq ki, aprel döyüşləri Ermənistan ordusunda təchizat, komandanlıq, hərbi hissələr arasında əlaqə və digər sahələrdə ciddi problemləri ortaya çıxarıb. Bu faktlara görə Müdafiə Nazirliyinin o vaxtkı rəhbərliyinə daxil olan şəxslərin demək olar ki, hamısı vəzifələrini itiriblər.
Virtualaz.org xəbər verir ki, belə açıqlama ilə Ermənistanın ilk müdafiə naziri, prezident yanında İctimai şuranın sədri Vazgen Manukyan çıxış edib.
Mayın 20-də baş nazir Nikol Paşinyan aprel müharibəsi zamanı baş verənlərin araşdırılması üçün komissiya qurulmasının vaxtının çatdığını bildirib. Ermənistan parlamenti bir neçə gün əvvəl belə komissiyanı artıq formalaşdırıb, bu işi müdafiə və təhlükəsizlik daimi Komissiyasına həvalə edib.
"Mən bu komissiyanın yaradılmasını təhlükəli və zərərli sayıram. Komissiyanın yaradılması olduqca təhlükəli nəticələrə səbəb ola bilər ki, mən hətta bu haqda indi danışmağa da çəkinirəm”-Manukyan bildirib.
O əlavə edib ki, deputatların komissiya çərçivəsində ordunun işlərinə qeyri-məhdud qarışması yolverilməzdir. Çünki bu silahlı qüvvələrin müdafiə imkanlarını sarsıda bilər.
"Milli məclis ordunun işlərinə qarışmalı deyil... Hər şeyi korrupsiya ilə mübarizə adı altında dağıtmaq olmaz”-Manukyan bildirib.
Xatırladaq ki, aprel döyüşləri Ermənistan ordusunda təchizat, komandanlıq, hərbi hissələr arasında əlaqə və digər sahələrdə ciddi problemləri ortaya çıxarıb. Bu faktlara görə Müdafiə Nazirliyinin o vaxtkı rəhbərliyinə daxil olan şəxslərin demək olar ki, hamısı vəzifələrini itiriblər.
