“Yaşlı insanlarda peyvənd təsirli olmaya bilər” - Baş infeksionist
Dekabr 23
12:29
2020
COVID-19 virusuna qarşı yaradılan peyvənd vasitəsilə orqanizmdə süni immunitet formalaşdırılır. Amma yaşlı və xroniki xəstəliyi olan şəxslərdə bu peyvənd o qədər də təsirli olmaya bilər.
"Koronavirus əleyhinə istehsal edilən peyvəndlərin üçüncü klinik mərhələsinin ilkin nəticələri açıqlanıb və müəyyən qədər təhlil olunub. İstehsalçıların dediyinə görə, peyvəndlərin səmərəsi 90 faiz üzərindədir. Onun tətbiq olunması infeksiyanın üzərində müəyyən qədər dönüşə nail olmağa imkan verəcək. Peyvəndin təkcə sağlam insanlar üzərində deyil, müəyyən yaş qruplarında və xəstəliyi olanlarda da sınağı keçirilib”.