Yaxın müddətdə güzəştli mənzillər yenidən satışa çıxarılacaq

SON XƏBƏR

Viktor Orban: "Brüssel odla oynayır və Allahı sınağa çəkir""Qərb ölkələrinin Ukraynaya hərbi personal göndərməsinə bir addım qalıb". Qaynarinfo xəbər verir ki, bunu Macarıstanın baş naziri Viktor Orban deyib. "Bu, Avropanı dibinə sürükləyə biləcək..
Vladimir Kazimirov ölübRusiyalı diplomat Vladimir Kazimirov ölüb. APA xəbər verir ki, bu barədə rusiyalı deputat Konstantin Zatulin bildirib. V. Kazimirov 95 yaşında ölüb. Diplomat keçmiş ATƏT-in M..
"Ukraynadakı müharibə daha bir neçə il davam edə bilər" - ŞoltsAlmaniya kansleri Olaf Şolts hesab edir ki, Ukraynadakı münaqişə daha bir neçə il uzana bilər. APA xəbər verir ki, bu barədə DPA məlumat yayıb. Şoltsun fikrincə, heç kim münaqişənin beş il..
Nazirlik məktəbin tikintisinə icazə almadan “İnşaat servis-X” MMC-yə 5,3 milyon pul ayırıbZərdab Rayon İcra Hakimiyyəti Zərdab rayonu Dəli Quşçu kəndində 264 yerlik tam orta məktəb binasının tikintisinə icazə verib. Yeniavaz.com xəbər verir ki, bu barədə məlumat Tikintilərin Dövlət Reye..
Azərbaycanda marketlərdə 19 manata satılan kərə yağı Rusiyaya 9,6 manata ixrac edilir – RƏSMİBu ilin ilk 2 ayı ərzində Azərbaycandan Rusiyaya 700 ton kərə yağı ixrac olunub. Yeniavaz.com xəbər verir ki, ixrac olunan kərə yağının 1 kiloqramının orta gömrük dəyəri 5,7 dollar (9,6 manat) olub..
Bakı Fransız Liseyi fəaliyyətini dayandırırBakı Fransız Liseyi fəaliyyətini dayandırır. "Report”un əldə etdiyi məlumata görə, bununla bağlı Liseydə təhsil alan şagirdlərin valideynlərinə məktub göndərilib. Təhsil müəssisəsinin rəhbər..
Lavrov Ermənistanın KTMT ilə bağlı ittihamlarına cavab verib2020-ci ildə KTMT-nin İrəvanda keçirilən sammitində sənəd razılaşdırılmışdı, bütün nazirlər onu təsdiqləmişdi. APA-nın Moskva müxbiri xəbər verir ki, bunu Rusiya xarici işlər naziri Sergey Lavrov ..
Yeni qərar: Vergi məmurlarının maaşı qaldırılacaqVergi orqanlarının vəzifəli şəxslərinə xüsusi rütbələr üzrə müəyyən edilən maaşlar artırılır. "Report"un məlumatına görə, bu barədə məsələ Milli Məclisin bu gün keçirilən iclasında müzakirə edil..
Vüqar Gülməmmədov: "Bu normalara qurumlar tərəfindən riayət edilmədiyini görürük""Bəzi istiqamətlərdə xərclərin Nazirlər Kabinetinin müəyyən etdiyi normalarla tənzimləndiyini görmək mümkündür. Belə normalar, praktik baxımdan olduqca əhəmiyyətli olmaqla yanaşı, digər tərəfdən öz ad..
Aİ Rusiyaya qarşı 14-cü sanksiyalar paketi üzərində işləyirAvropa İttifaqı (Aİ) Rusiyaya qarşı 14-cü sanksiyalar paketi üzərində işləyir. "Report” xəbər verir ki, bu barədə Aİ-dən bildirilib. Sanksiyaların mahiyyəti və hansı sahələri əhatə edəc..

Yaxın müddətdə güzəştli mənzillər yenidən satışa çıxarılacaq

İyul 27

14:43 2018

"Güzəştli mənzil” sisteminin fəaliyyətinin təkmilləşdirilməsi ilə bağlı tədbirlər uğurla başa çatdırılıb.

Musavat.com-un məlumatına görə, "Güzəştli mənzil” sistemi vasitəsilə mənzillərin seçimi zamanı bərabər şəraitin yaradılması, şəffaflığın və operativliyin təmin edilməsi məqsədi ilə Mənzil İnşaatı Dövlət Agentliyi (MİDA) Nəqliyyat, Rabitə və Yüksək Texnologiyalar Nazirliyi və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi aidiyyəti şirkət və qurumlarla birlikdə yaranmış nasazlıqları aradan qaldıraraq sistemin fəaliyyətinin təkmilləşdirilməsini həyata keçirib. "Güzəştli mənzil” sisteminin dayanıqlı, etibarlı, təhlükəsiz, şəffaf və fasiləsiz iş rejimində fəaliyyətini təmin etmək üçün bir sıra işlər görülüb.

Bununla yanaşı, MİDA tərəfindən "Ernst & Young" ("EY”) nüfuzlu beynəlxalq audit şirkətini cəlb edilərək, "Güzəştli mənzil” sisteminin Amerika Sertifikatlaşdırılmış İctimai Mühasiblər İnstitutunun (AICPA) müəyyən etdiyi təhlükəsizlik, konfidensiallıq, proseslərin bütövlüyü (tam, etibarlı və dəqiq), əlçatanlıq və fərdi məlumatların qorunması ("Trust Services” meyarları) kimi qabaqcıl beynəlxalq standartlara əməl olunması üzrə yoxlamalar keçirilib.

Bu ilin 20 iyul tarixində "EY” şirkəti "Güzəştli mənzil” sisteminin qeyd edilən tələblərə cavab verməsi ilə bağlı həyata keçirdiyi qiymətləndirməni başa çatdırıb və əldə olunmuş nəticələrə dair "SOC 2” və "SOC 3” rəylərini təqdim edib. Aparılmış yoxlamalar nəticəsində "Güzəştli mənzil" sisteminin etibarlılığı və Əsasnaməsində qeyd olunan məqsəd və fəaliyyət prinsiplərinə uyğunluğu təsdiqlənib.

"Güzəştli mənzil” sistemi, əsasnaməsinə uyğun olaraq "Elektron hökumət” portalında yaradılıb və ona inteqrasiya edilib. Prezidentinin 2018-ci il 14 mart tarixli 1885 nömrəli Fərmanına uyğun olaraq Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində "Elektron Hökumətin İnkişafı Mərkəzi” publik hüquqi şəxsi tərəfindən "Elektron hökumət” portalında müvafiq təkmilləşdirmə işləri aparılıb.

Nəqliyyat, Rabitə və Yüksək Texnologiyalar Nazirliyinin tabeliyində "AzInTelekom” MMC tərəfindən proseslərin dayanıqlığının artırılması məqsədilə "DATA mərkəz”də əlavə resursların ayrılması operativ şəkildə təmin edilmişdir və nazirliyin tabeliyində Məlumat Hesablama Mərkəzi tərəfindən elektron imzanın "Güzəştli mənzil" sistemində fəaliyyətinin dayanıqlığının artırılması istiqamətində sınaqlar keçirilib. Aparılan işlər artıq başa çatdırılmaq üzrədir. Qısa müddətdə güzəştli mənzillərin yenidən satışı ilə bağlı elan veriləcək.