Əli Əliyev Qarabağa ayrılan vəsaitin bir hissəsini Gürcüstana köçürüb?

SON XƏBƏR

Şeyxin mühafizə rəisi Mübariz Mənsimovun stadionunu aldıMasallıda yerləşən Anatoli Banişevski adına stadionun kim tərəfindən satın alınması müəyyənləşib. Stadionu satın alan şəxs yerli iş adamı Səxavəddin Sadıqovdur. Əslən Masallıdan olan S.Sad..
Əli Əliyev Qarabağa ayrılan vəsaitin bir hissəsini Gürcüstana köçürüb? - İddiaAzərbaycanda Ağdam Sənaye Zonasının (ASZ) rezidenti olan "Mister Dekor” MMC-nin fəaliyyəti, eləcə də şirkətin direktoru Əli Əliyevin adı ətrafında müzakirələr yaranıb. Gürcüstan Azərbaycanlılarının Mi..
İsa Həbibbəylinin öldürülən qohumu Naxçıvanda vəzifəli şəxs imiş – Rezonans doğuran qətlin təfərrüatlarıBakıda, "Neftçilər” metro stansiyasının yaxınlığında ağır və rezonans doğuran qətl hadisəsi baş verib. Yayılan xəbərə görə, metro stansiyasının həndəvərində yerləşən mənzillərdən birində Nicat a..
DİN kiberhücumlarla bağlı çağırış edib"Vətəndaşların bank kartlarına müxtəlif kiber üsullarla müdaxilə halları var. Bank kartının üzərində olan məxfi məlumatların naməlum şəxslərə verilməsi maliyyə itkisinə və kredit öhdəliklərinin yaranm..
Baş nazir Milli Məclisə gəldi: Büdcə sonuncu oxunuşda müzakirə olunurMilli Məclisin payız sessiyasının növbəti pelnar iclası başlayıb. Qlobal.az xəbər verir ki, spiker Sahibə Qafarovanın sədrliyi ilə keçirilən iclasın gündəliyinə 16 məsələ daxil edilib. 2026-cı i..
Terrorçuluğu maliyyələşdirən şəxsə ağır cəzaTerrorçuluğu maliyyələşdirmədə və cinayətkar birlikdə iştirak etmədə təqsirləndirilən Aslan Həsənovun barəsində Dövlət Təhlükəsizliyi Xidmətində (DTX) başlanılmış cinayət işi üzrə məhkəmə prosesi keçi..
ABŞ İraqın "Lukoyl" şirkətinin payını Amerika kompaniyasına ötürmək planını dəstəkləyibABŞ hökuməti "Lukoyl"ın "Qərbi Kurna – 2" neft yatağındakı payının Amerika şirkətlərinə verilməsi ilə bağlı İraqın planını dəstəkləyib. "Report" xəbər verir ki, bu barədə "Bloomberg" agentl..
"3+3" formatlı görüşün yeri ilə bağlı müzakirələr davam edir - Ermənistan XİNErmənistan Xarici İşlər Nazirliyinin sözçüsü Ani Badalyan "3+3" formatlı görüşün yeri ilə bağlı müzakirələrin davam etdiyini bildirib. APA xəbər verir ki, bu barədə Ermənistan XİN-dən Bakıdan ve..
Azərbaycan və İtaliya arasında ticarət dövriyyəsinin həcmi açıqlandıCari ilin yanvar-oktyabr aylarında Azərbaycan və İtaliya arasında ticarət dövriyyəsinin həcmi 10,6 milyard dollar təşkil edib. Qlobal.az bu barədə Dövlət Gömrük Komitəsinə istinadən xəbər verir. ..
Azərbaycan və Slovakiya prezidentləri mətbuata bəyanatlarla çıxış etdiAzərbaycan Respublikasının Prezidenti İlham Əliyev dekabrın 8-də Slovakiya Respublikasına rəsmi səfərə gedib. Qlobal.az xəbər verir ki, Bratislava şəhərinin Milan Ştefanik adına Beynəlxalq Aeroport..

Əli Əliyev Qarabağa ayrılan vəsaitin bir hissəsini Gürcüstana köçürüb? - İddia

Dekabr 09

13:31 2025

Azərbaycanda Ağdam Sənaye Zonasının (ASZ) rezidenti olan "Mister Dekor” MMC-nin fəaliyyəti, eləcə də şirkətin direktoru Əli Əliyevin adı ətrafında müzakirələr yaranıb. Gürcüstan Azərbaycanlılarının Milli Assambleyasının sədri Daşqın Gülməmmədov Əli Əliyevlə bağlı bir sıra iddialar irəli sürüb.

Yenicag.az xəbər verir ki, Gülməmmədovun iddiasına görə, ASZ-nin rezidenti kimi qeydə alınan "Mister Dekor” MMC "Mister Decor Divar Kağızları zavodu” layihəsi üzrə yatırılan 7 milyon manat məbləğində investisiya paketinin təxminən 3 milyon manatlıq hissəsinin Azərbaycandan çıxarılaraq Gürcüstana yönləndirildiyi bildirilir.

Daşqın Gülməmmədov həmin vəsaitin Gürcüstanın Marneuli Munisipalitetinin Ağaməmmədli kəndi ərazisində aparılan tikinti işlərinə, xüsusilə də ictimaiyyət arasında Əli Əliyevin atası Vəli Əliyevlə əlaqələndirilən şadlıq evi və digər obyektlərin inşasına sərf olunduğunu iddia edib. Gülməmədov bu proseslərin şəffaflığı, vəsaitlərin mənbəyi və təyinatı ilə bağlı hüquq-mühafizə orqanlarının və aidiyyəti dövlət qurumlarının diqqətinə ehtiyac olduğunu vurğulayıb.

Daşqın Gülməmmədov həmçinin iddia edir ki, Əli Əliyevin adı müxtəlif biznes fəaliyyətləri fonunda təkcə Azərbaycanda deyil, Gürcüstanda da tez-tez hallanır. Onun fikrincə, Azərbaycanda dövlət dəstəyi, güzəştlər və investisiya imkanları hesabına formalaşan maliyyə resurslarının bir qisminin xarici ölkədə, xüsusən də Gürcüstanda şəxsi və ya ailə biznesi ilə əlaqələndirilən layihələrə yönəldilməsi ehtimalı araşdırma tələb edir.

Daşqın Gülməmmədov Əli Əliyevin atası ilə bağlı da ittihamlar səsləndirib: "Əli Əliyevin atası Vəli Əliyev hansısa qeyri-qanuni yolla 2023-cü ildə Marneuli muniçipaliteti Ağaməmmədli kəndində 83.12.04.927 kadastr kodluu kənd təsərüfatı təyinatlı 6000 kvmt torpağın statusunu dəyişdirib, tikinti kateqoriyasına çevirtdirib. "Mister Decor” MMC-nin direktoru Əli Əliyev qara yolla Gürcüstana göndərdiyi maliyə ilə şadlıq evi tikdirir. Nə üçün tikdirir bu barədə mən Gürcüstan Dövlət Təhlükəsizlik Xidmətinə sorğu göndərmişəm. Guya xalq üçün tikdirir və toy mərasimləri üçün nəzərdə tutulub. Ancaq məqsəd başqadır. Bu araşdırılır.

Vəli Əliyev hazırda tikintisinə qadağa qoyulmuş obyektə xərclədiyi maliyyənin rəsmi mənbəyini mütləq açıqlamalı olacaq. Artıq 10.000 lari cərimə yazılıb və məsələ Marneuli meriyası tərəfindən məhkəməyə göndərilir. Təbii ki Gürcüstan Dövlət Təhlükəsizlik Xidməti Anti-Korrupsiya Agentliyi və Gürcüstan Baş Prokurorluğu araşdırma başlatmalıdır”.