Fikrət Əmirovun 100 illik yubileyi münasibətilə Ankarada konsert keçiriləcək
![](https://qlobal.az/photo/680x365/2022-09/1662987859_2c87cd77-4c22-3e92-873e-7ece5ba7e483_850.jpg?1722058067)
Sentyabr 12
17:03
2022
Oktyabrın 9-da Türkiyənin paytaxtı Ankarada görkəmli Azərbaycan bəstəkarı Fikrət Əmirovun xatirəsinə həsr olunmuş konsert keçiriləcək.
"Report” TÜRKSOY-a istinadən xəbər verir ki, konsert bəstəkarın 100 illik yubileyinə həsr olunub və "Başkent Kültür Yolu Festivalı” festivalı çərçivəsində təşkil olunacaq.
Xatırladaq ki, 2022-ci ilin noyabr ayında görkəmli bəstəkar, tanınmış ictimai xadim, SSRİ-nin və Azərbaycan Respublikasının Xalq Artisti, Sosialist Əməyi Qəhrəmanı, SSRİ və Azərbaycan Respublikasının dövlət mükafatları laureatı Fikrət Əmirovun anadan olmasının 100 illiyi tamam olur.