Rəsmi Bakı Paşinyana cavab verib

SON XƏBƏR

Gürcüstanda Saakaşvilinin partiyası qadağan olunacaqGürcüstanın keçmiş Prezidenti Mixail Saakaşvilinin təsis etdiyi Vahid Milli Hərəkat partiyası və ona bağlı partiyalar konstitusiyaya zidd elan olunacaq və bundan sonra seçkilərdə iştirak edə bilməyəcə..
Vətəndaşın evini başına uçuran "Melissa"nın sahibi Qalib Məmmədov kimdir? - DOSYEXəbər verdiyimiz kimi, bu gün paytaxtın Yasamal rayonu Birinci Alatava yaşayış massivi Abdulvahab Salamzadə küçəsi, 118B ünvanında tikinti şirkəti içərisində yaşayış olan evin bir hissəsini dağıdıb. ..
Moldovada saxlanılan qaqauz başkan Qutsul Putinə dəstək üçün müraciət etdiMoldovada saxlanılan Qaqauziya muxtar bölgəsinin rəhbəri Yevgeniya Qutsul Rusiyanın prezidenti Vladimir Putinə müraciət edərək yardım istəyib. Qlobal.az xəbər verir ki, bu barədə Eurointegration ya..
Mirvari Qəhrəmanlı “QHT İşi” çərçivəsində prokurorluğa çağırılıbDaha bir QHT rəhbəri Baş Prokurorluğun İstintaq İdarəsində aparılan "QHT İşi” çərçivəsində istintaqa cəlb edilib. APA-nın xəbərinə görə, Neftçilərin Hüquqlarının Müdafiə Təşkilatının sədri Mirvari Q..
Vətəndaşların evini dağıtdığı iddia edilən "Melissa Group"un sahibi bu şəxs imiş... - DOSYEBakıda çoxmərtəbəli binaların tikintisi ilə məşğul olan "Melissa Group”un vətəndaşların evini dağıtdığına dair görüntülər sosial şəbəkələrdə sürətlə yayılıb. Hollivud filmlərini xatırladan bu hadisə c..
"Melissa Group" tikinti şirkəti vətəndaşın evini qanunsuz uçurdu - Rəhbər şəxsi saxlanıldıBakı şəhəri, Yasamal rayonu, Alatava ərazisində söküntü işləri aparan şirkətin iş icraçısı və ekskavator sürücüsü saxlanılıb. Qlobal.az xəbər verir mi, bu barədə Qaynarinfo-ya Daxili İşlər Nazirliy..
İcra başçısı bacısı oğlu ilə birlikdə xoruz döyüşdürdü (FOTO)Beyləqan Rayon İcra Hakimiyyətinin baçısı bu dəfə bacısı oğlu ilə xoruz döyüşdürərkən görüntülənib. Qaynarinfo-nun məlumatına görə, Beyləqan Rayon İcra Hakimiyyətinin təşkilatçılığı ilə 18..
İlham Əliyev xanımı ilə Ağdam və Şuşada açılışlarda iştirak etdi (YENİLƏNİB/FOTO)Azərbaycan Respublikasının Prezidenti İlham Əliyev və birinci xanım Mehriban Əliyeva martın 27-də Şuşada tarixi Çöl Qala məscidinin və bulağının bərpadan sonra açılışında iştirak edib, iaşə obyektləri..
"ABŞ-yə bütün qapılar bağlanmayıb" - Xameneinin müşaviriİran ABŞ ilə dolayı danışıqlara hazırdır. APA "Reuters"ə istinadən xəbər verir ki, bu barədə İranın Ali Rəhbəri ayətullah Seyid Əli Xameneinin müşaviri Kamal Xərrazi deyib. "Tehran ABŞ-yə bü..
Tramp Kanada və Aİ-ni əlavə rüsumlarla hədələyibABŞ Prezidenti Donald Tramp, Avropa İttifaqı və Kanadanı daha çox tariflər tətbiq etməklə hədələyib. APA xəbər verir ki, bu barədə Donald Tramp "Truth Social” platformasındakı paylaşımında ..

Rəsmi Bakı Paşinyana cavab verib

Fevral 11

11:28 2025

Ermənistan baş nazirinin 10 fevral 2025-ci il tarixində "Armenpress”də dərc olunmuş məqaləsində Azərbaycanın Ermənistana qarşı hücuma hazırlaşdığı və Qərbi Azərbaycan İcmasının məqsədləri ilə bağlı iddiaları, eləcə də bir çox digər əsassız fikirləri reallığı təhrif etmək və dünya ictimaiyyətini yanıltmaq məqsədi daşıyır.

Bu barədə Xarici İşlər Nazirliyinin mətbuat katibi Ayxan Hacızadə Ermənistanın Baş naziri Nikol Paşinyanın "Armenpress”də yayımlanmış məqaləsindəki iddialarına cavab olaraq deyib.

"Maraqlıdır ki, hərbi potensiala sahib olmaq hüququnu müdafiə edən baş nazir 30 illik hərbi işğaldan əlavə, Üçtərəfli Bəyanata əsasən üzərinə götürdüyü öhdəliklərə baxmayaraq, 44 günlük müharibə bitdikdən sonra üç il ərzində Azərbaycan ərazisində ağır silahlarla təchiz edilmiş on mindən çox hazırlıqlı silahlı birləşməni saxlayan ölkəni təmsil edir.

44 günlük müharibə başa çatdıqdan sonra Ermənistanın hərbi xərcləri təqribən üç dəfə artaraq 2021-ci ildə təxminən 600 milyon dollardan 2024-cü ildə 1,6 milyard dollara çatıb. Üstəlik, bu yaxınlarda imzalanmış hərbi müqavilələrə əsasən, Ermənistan əsasən Azərbaycanın ərazilərinə uzaq məsafəli zərbələr endirə biləcək hücum silahları əldə etməkdədir.

Ermənistan Konstitusiyasında və hüquqi aktlarında davam edən ərazi iddialarını, həmçinin revanşizmin artması faktını nəzərə alaraq, Ermənistanın hərbi potensialının artırılmasının əsaslandırılması qeyri-səmimidir və Azərbaycanın təhlükəsizliyinə birbaşa təhdiddir.

Bundan əlavə, Ümumdünya İnsan Hüquqları Bəyannaməsi, Mülki və Siyasi Hüquqlar haqqında Beynəlxalq Pakt, Qaçqınların Statusu haqqında Konvensiya və digər mühüm beynəlxalq aktlarda təsbit edilmiş qayıdış hüququna əsaslanaraq əsas məqsədləri qovulduqları torpaqlara təhlükəsiz və ləyaqətlə qayıdış olan Qərbi Azərbaycan İcmasının fəaliyyəti və məqsədləri haqqında Ermənistanın iddiaları tamamilə əsassızdır. Ermənistan baş nazirinin müxtəlif bəhanələrlə, o cümlədən İcmanın bəyan edilmiş məqsədlərinin yanlış təfsir edilməsi ilə bu hüququ danması, bir daha bu ölkənin siyasətinin bir vaxtlar azərbaycanlıların ölkə əhalisinin əsas hissəsini təşkil etdiyi Ermənistanda hazırda azərbaycanlıların olmamasına gətirib çıxaran qəddarlığının səviyyəsini nümayiş etdirir.

Təəssüf ki, Ermənistan baş nazirinin 2022-ci il Praqa görüşünə, 1991-ci il Almatı Bəyannaməsinə, sülh sazişi layihəsinin Ermənistanın həqiqətən Azərbaycana qarşı heç bir iddiasının olmadığını və olmayacağını təsbit etmək üçün nəzərdə tutulan bəndlərinə istinadlar məhz cənab Paşinyan tərəfindən bir neçə ay sonra, 2023-cü ilin sentyabrında Azərbaycan ərazilərindəki qondarma rejimin "müstəqilliyi” ilə bağlı təbrik mesajı göndərilən zaman, habelə Ermənistanın Konstitusiyasında yer alan ərazi iddialarına və Almatı Bəyannaməsinə qoşulan zaman edilmiş qeyd-şərtlərə göz yumması nəticəsində heçə endirilib.

Hətta bu gün də müharibə cinayətlərində ittiham olunan şəxslərin məhkəmə prosesini alqışlamaq əvəzinə, bu məhkəməni "səhnələşdirilmiş” adlandıran Ermənistan onilliklər ərzində səbəb olduğu yaraları sağaltmaqda və bu prosesin üzə çıxara biləcəyi həqiqətlə üzləşməkdə maraqlı deyil.

Üstəlik, Ermənistan öhdəliklərinin yerinə yetirilməsi, o cümlədən Azərbaycan ilə Naxçıvan Muxtar Respublikası arasında kommunikasiyaların açılması sahəsində əməli addımlar atmaq əvəzinə, diqqəti bu prosesdən yayındırır. Bu istiqamətdə, praktiki addımlarla irəliləmək əvəzinə, Ermənistanın mahiyyətcə əhəmiyyəti olmayan təkliflər irəli sürməsi anlaşılmazlıqlara gətirib çıxarır və reallıqları təhrif edir.

Baş nazirin canfəşanlıqla irəli sürdüyü silahlara nəzarət mexanizmlərinin yaradılmasına gəldikdə isə, 30 ildən artıq müddətdə Ermənistanın özünün iştirak etdiyi silahlara nəzarət mexanizmlərini kobud şəkildə pozduğu və deqradasiya etdiyi, hərbi texnika və silahlarının böyük hissəsini beynəlxalq silahlara nəzarət mexanizmlərindən gizlətdiyi, onları bizim ərazilərimizdə qanunsuz yerləşdirdiyi yaxşı məlumdur. Beynəlxalq müqavilələrə bu cür yanaşma Ermənistanın mövqeyinin qeyri-səmimiliyi barədə nəticə çıxarmağa imkan verir.