SON XƏBƏR

Saakaşvili ölərsə, Avropa Parlamenti Gürcüstanla bağlı bundan imtina edə bilər

Dekabr 28
09:50 2022
Gürcüstanın keçmiş prezidenti Mixail Saakaşvili həbsdə ölərsə, Avropa Parlamenti (AP) Gürcüstanın Aİ-yə üzvlüyünü təsdiq etməyəcək.
 
Qaynarinfo xəbər verir ki, bu barədə aparıcı fraksiya - Avropa Xalq Partiyasını təmsil edən polşalı deputat Yaçek Sariuş-Volski məlumat verib.

"Saakaşvili ilə Gürcüstanın Aİ-yə daxil olması perspektivləri arasında paralellər prinsipcə imperativdir! Hər iki hal ayrılmazdır. Keçmiş prezident həbsdə olarsa və həbsdə ölərsə, Avropa Parlamenti heç vaxt Gürcüstanın Aİ-yə üzvlüyünə səs verməyəcək", - deyə Sariuş-Volski Twitter-də yazıb.

Gürcüstan Aİ-yə üzvlük üçün Moldova ilə eyni gündə və Ukraynadan iki gün sonra, martın 3-də müraciət edib. İyun ayında Avropa Komissiyası Gürcüstana namizəd olmaq tövsiyəsini rədd edərək, Gürcüstanın namizəd statusunu yalnız müəyyən şərtlər yerinə yetirildikdən sonra alacağını bildirib.

Mixail Saakaşvili vəzifə səlahiyyətlərindən sui-istifadəyə görə 6 il müddətinə azadlıqdan məhrum edilib. O, may ayından Vivamedi klinikasında müalicə olunur. Onun vəkili Mixail Saakaşvilinin 36 xəstəliyinin olduğunu bildirib. Mediada dərc edilən məlumatlara əsasən onun ağır metallarla zəhərləndiyi bildirilir.



Oxşar xəbərlər

XƏBƏR LENTİ

Facebook