SON XƏBƏR

Dünya çempionatı: Azərbaycanın 3 boksçusu medalı təmin edib, biri uduzub

Noyabr 03
03:13 2021
Azərbaycanın daha iki boksçusu Serbiyanın paytaxtı Belqraddakı dünya çempionatında 1/4 final görüşünə çıxıb.

"Report"un məlumatına görə, əvvəlcə 51 kq-da mübarizə aparan Məsud Yusifzadə tailandlı Tanarat Saenqpetlə qarşılaşıb.

Rəqibinə 0:5 hesabı ilə uduzan idmançı yarışı medalsız başa vurub.

71 kq-da çıxış edən Sərxan Əliyev isə bu raundda ABŞ təmsilçisi Obed Barti-El ilə qüvvəsini sınayıb. 4:1 hesablı qələbə qazanan idmançı adını yarımfinala yazdırıb. Əliyev həlledici görüşə vəsiqə uğrunda ukraynalı Yuri Zaxariyevlə üz-üzə gələcək.

Qeyd edək ki, yarımfinal qarşılaşmaları noyabrın 4-də baş tutacaq. Növbəti 2 gündə isə final görüşləri təşkil olunacaq.



Oxşar xəbərlər

XƏBƏR LENTİ

Facebook