SON XƏBƏR

Ərzaqla bağlı situasiya mürəkkəbləşəcək - BMT proqnoz edir

Avqust 29
16:28 2022
Ümumdünya ərzaq proqramının direktoru Devid Bisli hesab edir ki, dünyada ərzaqa çıxış problemi ən azı gələn ilə qədər qalacaq.

Bu proqnozla o, «CNN» telekanalının efirindən çıxış edib.

«Hazırda gəmilər Ukrayna buğdası ilə üzürlər və mən ümid edirəm ki, onlar hər gün, hər həftə üzməyə davam edəcəklər. Elə indicə bir cüt gəmi Afrika Buynuzu bölgəsinə (Afrikaın şərqində bölgədir, Efiopiya və onun təsiri altında olan ölkələri: Cibuti, Eritriya və Somalini birləşdirir, bu ad ona bölgənin xəritədəki görünüşünə görə verilib) yola düşüb, bu, gerçəkdən Somalidə, Efiopiyada, Keniyanın şimalında, harada ki, belə təcili lazımdırsa, orada situasiyanı yaxşılaşdıracaq. Əgər bizim vəsaitimiz, dəstəyimiz və buğdamız olarsa, bilirik ki, aclıq və fəlakətin qarşısını necə almaq lazımdır» - o, deyib.

Bislinin sözlərinə görə, onun şübhəsi yoxdur ki, situsiya yaxşıya doğru dəyişməzdən əvvəl dərinləşəcək.

«Limanların açılması imkan verəcək ki, əmtəə birjalarında situasiyanı sabitləşdirmək mümkün olsun, amma bu, yaxın 12-24 ildə bizim qarşımızda duran bütün problemləri həll etmir» - Bisli qeyd edib.

Mən, qiymətlərdən və yaxın 6-8 ildə ərzaqlara çıxışın vəziyyətindən hədsiz narahatam. Kübrələrin çatışmazlığı səbəbilə, onların qiymətləri, yanacaq qiymətləri və quraqlıq problemləri ərzaqlara çıxış üzrə problemləri gələn il də saxlaya bilər», - ÜƏP direktoru göstərib.

Bundan əvvəl Bisli belə fikir ifadə edib ki, Ukraynadakı münaqişənin uzanması halında dünyada aclıq çəkənlərin sayı 50 milyon nəfərə qədər arta bilər. O, qlobal destabilizasiya riskləri və Ukraynadakı müharibənin nəticəsi olaraq, ərzaqların qiymət artımı səbəbindən bənzəri olmayan kütləvi miqrasiya barədə xəbərdarlıq edib.
İyunun əvvəlində Ümumdünya ərzaq proqramı böhranlı bölgələrin sakinlərinə kömək göstərmək məqsədilə ianə toplanmasını elan edib. BMT təşkilatı izah edib ki, ərzaq və yanacaq qiymətlərinin qalxması səbəbindən onun fəaliyyəti ayda 71 milyon dollar baha başa gəlir.

İyulun 22-də İstanbulda sənədlər paketi imzalanıb - paket dünya bazarlarına ərzaq və kübrə tədarükü probleminin həllinə yönəlib. Sazişlərdən biri Kiyevin nəzarəti altında olan Qara dəniz limanlarından buğdanın çıxarılmasını reqlamentləşdirir. Bu sənədlərin qəbulu məsələsində Türkiyənin və bu ölkənin Prezidenti Rəcəb Tayyib Ərdoğanın yorulmaz fəaliyyəti xüsusilə diqqətə layiqdir.



Oxşar xəbərlər

XƏBƏR LENTİ

Facebook