SON XƏBƏR

"Hava limanını Türkiyənin qoruması ABŞ üçün həyati əhəmiyyət daşıyır" - Dövlət müşaviri

İyul 22
13:50 2021
"Əfqanıstanın paytaxtı Kabuldakı hava limanının təhlükəsizliyini Türkiyənin təmin etməsi ABŞ üçün həyati əhəmiyyətə malikdir”.

"Report” "Habertürk”ə istinadən xəbər verir ki, bunu ABŞ Dövlət Departamentinin xarici işlər üzrə müşaviri Viktoriya Nuland Senatın Xarici əlaqələr komitəsində keçirilən "ABŞ-ın Türkiyə siyasəti” adlı toplantıda bildirib.

Onun sözlərinə görə, Vaşinqton Ankara ilə başda terrorçuluğa qarşı mübarizə olmaqla Ukrayna və Liviya kimi ölkələrdə regional məsələlərdə yaxından əməkdaşlıq edir: "Türkiyə Suriyanın şimalında 4 milyon suriyalını Bəşşar Əsəd rejiminin hücumlarından qoruyub. Bununla da dünyada yeni qaçqın axının qarşısını alıb. Bundan başqa, Türkiyə dünyanın ən böyük qaçqın düşərgəsi yerləşən ölkəsidir. 3,6 milyonu suriyalı olmaqla 4 milyon qaçqına sığınacaq verdiyinə görə bu ölkəyə minnətdarıq”.

ABŞ və NATO hərbçilərinin Əfqanıstanda missiyalarını başa vurduqdan sonra Türkiyənin Kabuldakı hava limanında güc saxlamaq istəyinə münasibət bildirən müşavir deyib: "Bundan ABŞ rəhbərliyi olaraq son dərəcə məmnun olardıq. Bu, müttəfiqlərimizin və ortaqlarımızın hərbi birliklərimiz geri çəkildikdən sonra Kabulda güclü bir diplomatik mövcudluğu saxlaya bilməyimiz üçün həyati əhəmiyyət daşıyır”.



Oxşar xəbərlər

XƏBƏR LENTİ

Facebook