İki il əvvəl 227 min manat "şapka" alınan iş adamının oğlu tenderdə qalib oldu

SON XƏBƏR

Qubad İbadoğluya yekun ittiham elan edildi - İstintaq bitirAzərbaycan Demokratiya və Rifah Partiyasının sədri Qubad İbadoğlunun cinayət işi üzrə ibtidai istintaq yekunlaşır. Bu barədə Report-a onun vəkili Bəhruz Bayramov məlumat verib. Onun sözlərinə gö..
“Azərbaycan satıcısı hələ də əlini lazımi şəkildə yuya bilmir” - Qoşqar Təhməzli"Dünyada elə bir ölkə yoxdur ki, orada qida təhlükəsizliyi 100% təmin olunsun. Dünyanın hər yerində qida təhlükəsizliyinə görə yüz faizlik cavabdeh sahibkardır”. "Qafqazinfo” xəbər verir ki, bu fik..
Azərbaycanla Türkiyə arasında gəlirlərə görə ikiqat vergitutma ləğv edilirAzərbaycanla Türkiyə arasında gəlirlərə görə vergilərə münasibətdə ikiqat vergitutma ləğv edilir. "Report"un xəbərinə görə, bununla bağlı məsələ Beynəlxalq münasibətlər və parlamentlərarası əlaq..
Şair ali məhkəməyə müraciət etdiƏmək və Əhalinin Sosial Müdafiəsi Nazirliyinin sabiq aparat rəhbəri, məhkum yazıçı Əjdər Cəbiyev (Əjdər Ol) Ali Məhkəməyə müraciət edib. Qaynarinfo-nun məlumatına görə, işə Ali Məhkəmənin hak..
“Xalq Bank”ın kapitalı 8%-dən çox azalıb - Kredit və depozit portfeli kiçilib"Xalq Bank” 2024-cü ilin I rübü üzrə maliyyə hesabatlarını açıqlayıb. "APA-Economics” banka istinadən xəbər verir ki, 2024-cü ilin I rübündə "Xalq Bank”ın xalis mənfəəti ötən ilin müvafiq dövrü il..
Fransa Aİ-də Rusiya qazının ən böyük alıcısına çevrildiFevralda Fransa Avropa ölkələri arasında Rusiya qazının əsas alıcısına çevrilərək Macarıstanı ikinci yerə sıxışdırıb. Qaynarinfo xəbər verir ki, bu barədə RİA Novosti "Eurostat” məlumatlarına..
285 saylı məktəbdə qalmaqal: Yeni direktor köçkün müəllimi işdən çıxardı - TƏFƏRRÜAT285 saylı məktəbin müəllimi Təranə Yusifova yeni direktor təyin edilən Nuranə Yəhyayeva tərəfindən işdən qanunsuz olaraq uzaqlaşdırıldığını iddia edir. O, bu barədə Bakupost.az -a açıqlamasında bildir..
ABŞ sülhməramlıların Qarabağdan çıxarılmasına münasibət bildirib"Bu, Rusiyanın etibarlı müttəfiq olmadığının daha bir nümunəsidir”. "AzPolitika" xəbər verir ki, bunu ABŞ Dövlət Departamentinin sözçüsü Vedant Patel Rusiya sülhməramlı qoşunlarının Da..
"Azərbaycanlıların Ermənistana qaytarılması üçün böyük həcmdə işlər görülməlidir" - ZaxarovaÖtən əsrin 80-ci illərin sonu, 90-cı illərin əvvəllərində Ermənistanı tərk etmiş azərbaycanlıların geri qayıtması üçün böyük həcmdə işlər görülməlidir. "Report”un Rusiya bürosunun məlumatına gör..
Kürdəmirin icra başçısına söyüş söyən fermer həbs edildiKürdəmir rayon İcra Hakimiyyətinin başçısı Elxan İbrahimova və əməkdaşlarına qarşı uca səslə nalayiq ifadələr işlədən fermer həbs edilib. Qaynarinfo-nun məlumatına görə, 1971-ci ildə Kürdəmir..

İki il əvvəl 227 min manat "şapka" alınan iş adamının oğlu tenderdə qalib oldu

İyun 10

00:32 2022

Şabran rayon İcra Hakimiyyəti başçısının Şabran şəhər üzrə Nümayəndəliyi 2022-ci ilin iyun ayının 1-də sifarişçi olduğu növbəti satınalmaya yekun vurub.

Qlobal.az xəbər verir ki, "Mənzillərin təmiri işləri" üzrə keçirilən tenderin məbləği 49.868 manat olub.

Satınalmada "BC İNŞAAT" Məhdud Məsuliyyətli Cəmiyyəti qalib elan edilib.

"BC İNŞAAT" Məhdud Məsuliyyətli Cəmiyyəti 2019-cu ilin dekabr ayının 10-da dövlət qeydiyyatına alınıb. Şirkətin hüquqi ünvanı Bakı şəhəri, Yasamal rayonu, Mirəli Seyidov küçəsi, ev 12, m. M6 M3 ünvanı, qanuni təmsilçisi isə Bədəlli Cavid Cəlal oğludur.

Nizamnamə kapitalı 10 manat olan "BC İNŞAAT" MMC-nin əlaqə telefonu, faktiki ünvanı barədə açıq internet resurslarında məlumat yoxdur.

Həmçinin bu təşkilatın müvafiq lisenziyası, əmək müqaviləsi ilə çalışan işçiləri, mühəndis heyəti, maddi-texniki bazası barədə də hər hansı informasiyaya rast gəlinmir.

"Dövlət Satınalmaları Haqqında" Azərbaycan Respublikasının Qanununun 6-cı maddəsinin 6.2.1 bəndində malgöndərən-podratçı təşkilatların satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin və etibarlığının olmasının vacibliyi qeyd edilir.

Qalib MMC-ni İcra Hakimiyyətinə nə bağlayır?

Qlobal.az xəbər saytı Şabran rayon İcra Hakimiyyəti başçısının Şabran şəhər üzrə Nümayəndəliyinin "Mənzillərin təmiri işləri" üzrə sifarişçi olduğu satınalmada qalib elan edilən "BC İNŞAAT" MMC barəsində ilginc məlumat əldə edib.

Əldə etdiyimiz məlumata görə Şabranda qalib elan edilən MMC heç də bu rayona yad olan təşkilat deyil.

Belə ki, "BC İNŞAAT" MMC-nin qanuni təmsilçisi Cavid Bədəlli iki il öncə Şabran rayon İcra Hakimiyyətinə qarşı şok iddia irəli sürən "Şabran D” MMC-nin qanuni təmsilçisi Cəlal Bədəlovun oğludur.

Cəlal Bədəlov 2020-ci ilndə media vasitəsilə dövlət rəhbərliyinə ünvanladığı şikayətində Şabran rayon İcra Hakimiyyəti başçısının o zamankı 1-ci müavini Mehdi Balabəyovun rayonda aparılan quruculuq işlərinin və yeni layihələrin onun şirkətlərinə verilməsi üçün ondan 227.000 (iki yüz iyirmi min) manat pul aldığını iddia edirdi.

O zaman kiçik bir rayonda dövlət satınalmaları üçün 227 min manat "şapka" tələb olunması ictimaiyyət arasında böyük rezonans doğurmuş, bu sahədə olan korrupsiyanın miqyasını bir daha açıq-aydın ortaya qoymuşdu.

Bu hadisənin üstündən bir müddət keçəndən sonra fəaliyyəti haqqında heç bir informasiya olmayan "BC İNŞAAT" MMC-nin Şabran rayon İcra Hakimiyyətinin başçısının Şabran şəhər üzrə Nümayəndəliyinin sifarişçi olduğu satınalmada qalib elan edilməsi müəyyən şübhələrə yol açır.

Qeyd edək ki, "BC İNŞAAT" MMC bundan əvvəl Şabran rayon İcra Hakimiyyətinin başçısının Şabran şəhər üzrə Nümayəndəliyinin "işıqlandırma işləri" (59.993 manat) və Şabran Suvarma Sistemləri İdarəsinin "Cari təmir işləri üçün tikinti materiallarının satınalınması" (109.150) lotu üzrə sifarişçi olduları satınalmada qalib elan edilib.

Şabran rayon İcra Hakimiyyəti xəbərə münasibət bildirmədi.