SON XƏBƏR

Lənkəran teatrı Xocalı soyqırımının ildönümünə həsr olunmuş audio-video kompozisiyanın təqdimatını keçirib

Fevral 26
15:35 2021
Fevralın 26-da Lənkəran Dövlət Dram Teatrının truppası Xocalı soyqırımının 29-cu ildönümünə həsr olunmuş audio-video kompozisiyanın təqdimatını keçirib. 

Teatrın ədəbi-dram hissəsinin rəhbəri Ağaddin Babayevin verdiyi məlumata görə, audio-video kompozisiya teatrın rəsmi facebook səhifəsində, eləcə də səsgücləndirici qurğular vasitəsilə Lənkəran şəhərinin mərkəzi ərazilərində yayımlanıb.

Qeyd edək ki, 1992-ci il fevralın 25-dən 26-na keçən gecə erməni silahlı dəstələri və rus hərbi birləşmələrinin Xocalı şəhərinə hücumu zamanı amansızlıqla öldürülən, doğma yurd-yuvalarından didərgin düşən günahsız insanların faciəli taleyi, onların vətənpərvərlik hisləri, psixoloji və mənəvi durumu təsirli səhnələrlə audio-video kompozisiyada əks etdirilib.

Mətni teatrın aparıcı aktyorlarından Xalq artisti Qabil Quliyev, Əməkdar artist Sucəddin Mirzəyev, Qızılgül Quliyeva və Allahverən Babayev səsləndiriblər. 
 
Kompozisiyanın musiqi tərtibatçısı Fərahim Fərəcov, montajçı Təvəkkül Həsənovdur.

Qlobal.az
 





Oxşar xəbərlər

XƏBƏR LENTİ

Facebook