"Neftçi" klubu çempionluq qələbəsini azarkeşləri ilə birlikdə qeyd etdi
May 20
07:02
2021
"Neftçi" klubu çempionluq qələbəsini azarkeşləri ilə birlikdə qeyd etdi
Klubun sözçüsü onu da qeyd edib ki, "Neftçi” artıq daha geniş hədəflərə çatmaq üçün yeni transferlər haqqında fikirləşir: "Bizim üçün artıq bu mövsüm bitdi və yeni mövsüm haqqında fikirləşirik. Məşqçilər korpusunun məsləhət bildiyi mövqelərə yeni transferlər ediləcək. Kimləri isə komandada görmək istəmirsə, onlarla sağollaşacağıq. Çünki vaxtımız məhduddur. Qısa müddət ərzində Çempionlar Liqasına hazırlaşmalıyıq. İyulun 6-da Çempionlar Liqasının mərhələsi çərçivəsində ilk oynumuza çıxacağıq. Çalışacağıq ki, bu istiqamətdə bütün işlərimizi tamamlayaq".
"Neftçi” komandası futbol üzrə Azərbaycan Premyer Liqasının qalibi olması münasibətilə Çempionluq Kubokunu öz bazasına gətirib.
"Report"un məlumatına görə, bazada bu münasibətlə qarşılanma mərasimi keçirilib.
Azarkeşlər komandanı böyük coşqu ilə salamlayıb. Onlar arasında Vətən müharibəsi qaziləri də olub. Azarkeşlər çempionluq sevincini futbolçularla birgə yaşayıblar.
Klubun mətbuat xidmətinin rəhbəri Rüstəm Allahverdiyev "Report"a bildirib ki, komandanın qarşıda bir çox hədəfləri var: "Neftçi” ölkə çempionatında 8 ildir qalib ola bilmirdi. Bu mövsüm çempionluq bizim üçün çox vacib idi. "Neftçi” ailəsi olaraq inanırdıq ki, bunu bacaracayıq və bu gün çox sevincliyik. Şükür ki, çempionatı qızıl medallarla tamamladıq".
