Qriqoryan Hikmət Hacıyevlə müzakirə etdiyi mövzuları açıqladı
May 06
14:07
2022
Mayın 2-də Azərbaycan Prezidentinin köməkçisi Hikmət Hacıyevlə Brüsseldə görüş keçirmiş Ermənistanın Təhlükəsizlik Şurasının katibi Armen Qriqoryan İrəvanda brifinq keçirib.
Qlobal.az "Turan" agentliyinə istinadən xəbər verir ki, Qriqoryan deyib ki, sülh danışıqları "5+6" gündəliyi əsasında, yəni Bakının təklif etdiyi bəndlərə İrəvanın irəli sürdüyü 6 bəndin əlavə edildiyi gündəlik əsasında başlamalıdır.
O qeyd edib ki, Azərbaycan suverenliyin, ərazi bütövlüyünün qarşılıqlı olaraq tanınmasını, gələcəkdə ərazi iddialarından imtinanı, beynəlxalq səviyyədə tanınmış sərhədlərin (sovet dövrünə əsasən) delimitasiyasında və demarkasiyasını, sülh müqaviləsinin bağlanmasını zəruru sayır və Ermənistan tərəfi bunu qəbul edir.
Amma Ermənistan Qarabağ ermənilərinin təhlükəsizliyinə zəmanət və onlara müəyyən status verilməsini də istəyir. Qriqoryanın sözlərinə görə, bu məsələlər Azərbaycanla müzakirə olunur.