Uzun illərdir ziyanla işləyən “AccessBank” rəhbərliyi hansı “uğurlardan” danışır?

SON XƏBƏR

“Yusi Ko” MMC BDU-nu məhkəməyə verdiBakı Dövlət Universitetinə (BDU) qarşı məhkəmə iddiası qaldırılıb. Yeniavaz.com xəbər verir ki, məhkəmə iddiası Bakı Kommersiya Məhkəməsinin hakimi Kənan Hüseynovun icraatına verilib. Məhk..
Sabiq aparat rəhbəri dövlətdən 43 milyon manat dəyərindəki əmlaklarını geri almaq istəyir"MTN işi”nə görə həbs edilən, sonradan isə azadlığa buraxılan Rabitə və Yüksək Texnologiyalar Nazirliyinin sabiq aparat rəhbəri Vidadi Zeynalovla Baş Prokurorluq və Korrupsiyaya Qarşı Mübarizə İdarəsi..
“Rusiya Estoniyaya hücüm edərsə, ölkəmiz onu dəf edəcək” - Martin HeremRusiyanın Estoniyaya potensial hücumu olarsa, ölkə bu hücumu dəf edə biləcək. APA "ERR” telekanalına istinadən xəbər verir ki, bunu Estoniya Müdafiə Qüvvələrinin komandanı general Martin Herem b..
İran İsrailin nüvə mərkəzlərini vurmaqla hədələyirTehran İsrailin "nüvə mərkəzləri”nin yerini müəyyənləşdirib. Təl-Əviv İranın İsrailin hərbi obyektlərinə son hücumuna cavab verərsə, onları məhv etməyə hazırdır. Bu açıqlama ilə İslam İnqilabı Keşi..
AZAL Bakıdan Kəraçiyə uçuşlara başlayıb"Azərbaycan Hava Yolları” QSC (AZAL) bu gündən Pakistanın Kəraçi şəhərinə reysləri bərpa edib. "Report” xəbər verir ki, uçuşlar həftədə 2 dəfə - cümə axşamı və bazar günləri həyata keçirilə..
Qubad İbadoğluya yekun ittiham elan edildi - İstintaq bitirAzərbaycan Demokratiya və Rifah Partiyasının sədri Qubad İbadoğlunun cinayət işi üzrə ibtidai istintaq yekunlaşır. Bu barədə Report-a onun vəkili Bəhruz Bayramov məlumat verib. Onun sözlərinə gö..
“Azərbaycan satıcısı hələ də əlini lazımi şəkildə yuya bilmir” - Qoşqar Təhməzli"Dünyada elə bir ölkə yoxdur ki, orada qida təhlükəsizliyi 100% təmin olunsun. Dünyanın hər yerində qida təhlükəsizliyinə görə yüz faizlik cavabdeh sahibkardır”. "Qafqazinfo” xəbər verir ki, bu fik..
Azərbaycanla Türkiyə arasında gəlirlərə görə ikiqat vergitutma ləğv edilirAzərbaycanla Türkiyə arasında gəlirlərə görə vergilərə münasibətdə ikiqat vergitutma ləğv edilir. "Report"un xəbərinə görə, bununla bağlı məsələ Beynəlxalq münasibətlər və parlamentlərarası əlaq..
Şair ali məhkəməyə müraciət etdiƏmək və Əhalinin Sosial Müdafiəsi Nazirliyinin sabiq aparat rəhbəri, məhkum yazıçı Əjdər Cəbiyev (Əjdər Ol) Ali Məhkəməyə müraciət edib. Qaynarinfo-nun məlumatına görə, işə Ali Məhkəmənin hak..
“Xalq Bank”ın kapitalı 8%-dən çox azalıb - Kredit və depozit portfeli kiçilib"Xalq Bank” 2024-cü ilin I rübü üzrə maliyyə hesabatlarını açıqlayıb. "APA-Economics” banka istinadən xəbər verir ki, 2024-cü ilin I rübündə "Xalq Bank”ın xalis mənfəəti ötən ilin müvafiq dövrü il..

Uzun illərdir ziyanla işləyən “AccessBank” rəhbərliyi hansı “uğurlardan” danışır?

Oktyabr 30

11:49 2021

Azərbaycanda fəaliyyət göstərən banklar 2021-ci ilin 3-cü rübünün nəticələrini əks etdirən maliyyə hesabatlarını açıqlayıb.

Cəmi 4 bank rübü zərərlə başa vurub. Bunlardan üçü ölkəmizdə o qədər də populyar olmayan "Pakistan Milli Bankı”, "Yapıkredi Bank” və "Bank Avrasiya”dır. 4-cü bank isə əksinə, kifayət qədər tanınan və xüsusilə kiçik biznesin tez-tez üz tutduğu "AccessBank”dır.

Cari ilin 3-cü rübünün nəticələrinə görə, "AccessBank” 1 milyon manata yaxın – 914 min manat ziyan edib. Məsələ ondadır ki, cari ilin əvvəlki iki rübündən də bank ziyanla çıxıb. Belə ki, "AccessBank” 2021-ci ilin birinci yarısının yekunlarına görə 2 milyon 24 min manat ziyan etmişdi.

Ümumiyyətlə, sözügedən bank son bir neçə ildə ən çox ziyan edən banklar sırasında lider mövqelərində yer almaqdadır. 2020-ci ilə qədər bank ardıcıl 4 il ziyanla işləyib. Məsələn, 2019-cu ili bu bank 90 milyon(!) manat zərərlə başa vurub. Ancaq bu da ən böyük rəqəm deyil.

Məlumat üçün bildirək ki, "AccessBank” 2016-cı ili 100,889 milyon manat, 2017-ci ili 56.4 milyon manat, 2018-ci ili isə 11.5 milyon manat zərərlə başa vurmuşdu. İllərin təcrübəsi göstərir ki, zərərlə işləmək bir növ "AccessBank” üçün adət halını alıb. Buna görə mütəxəssislər onu ölkənin ən riskli banklarından biri hesab ediblər.

Daha sonra səhmdarlar bankın maliyyə vəziyyətini düzəltmək üçün əlavə vəsaitlər cəlb etdilər. Nəticədə bankın imkanları, kapitallaşma səviyyəsi, aktivləri artırıldı. Bankın aktivləri hətta bir milyard manata yaxınlaşıb. Buna baxmayaraq, bank yenə zərərlə işləməkdə davam edir.

Doğrudur, "AccessBank” 2020-ci ilin dördüncü rübünü 2.6 milyon mənfəətlə başa vurmuşdu. Lakin göründüyü kimi, cari ilin 3 rübünü yenə zərərlə işləyərək, demək olar ötən ilin sonundakı mənfəəti də "silib”. Və belə görünür ki, böyük ehtimalla bank ümumilikdə 2021-ci ili yenə ziyanla başa vuracaq.

Xatırladaq ki, bu qurumun ilk səhmdarları Dünya Bankı, Avropa Yenidənqurma və İnkişaf Bankı, Qara Dəniz Ticarət və İnkişaf Bankı və digər nüfuzlu beynəlxalq və xarici maliyyə institutları olub. Ölkədəki neft gəlirləri bumu illərində sahibkarlarımıza yüksək faizlə kredit verərək, (özü də kölgə iqtisadiyyatına rəvac verərək, "qara mühasibatlıq” əsasında) bu təşkilatlar "AccessBank” vasitəsilə böyük qazanc əldə ediblər. Son illərdə isə bank heç cür "qara zolaq”dan çıxa bilmir.

Maraqlıdır ki, bütün bunlara baxmayaraq, "AccessBank”-ın İdarə Heyətinin sədri vəzifəsini icra edən Yevgeniya Qaşikulina Bankın üçüncü rüb üzrə maliyyə nəticələrini şərh edərkən yenə hansısa "uğurlardan” gen-bol danışıb. Hansı ki, bankir xanım da bilməmiş deyil ki, istənilən bankın, yaxud hansısa digər biznes, maliyyə strukturunun əsas göstəricisi onun mənfəətidir. O mənfəət ki, "AccessBank” uzun illərdir üzünə həsrət qalıb...

Mənbə: Azpolitika.info

Qlobal.az