SON XƏBƏR

Vidadi Zeynalovun kürəkəni Avropada şirkət açıb - FOTO

İyul 01
14:31 2020
Rabitə və Yüksək Texnologiyalar Nazirliyinin 2015-ci ilin oktyabrında MTN işi ilə bağlı həbs olunmuş sabiq Aparat rəhbəri Vidadi Zeynalovun kürəkəni Nəriman Muradov 2016-ci il dekabrın 2-də Çexiya paytaxtında Azerantrips.com sro şirkətini (https://www.azerbaijantrips.com/) qeydiyyatdan keçirib.
 
Qlobal.az xəbər verir ki, bu barədə araşdırmaçı jurnalist Cavanşir Həsənli feysbuk səhifəsində məlumat yayıb.
 
Jurnalistin yazdığına görə V.Zeynalovun kürəkəninin şirkəti turizm sahəsində fəaliyyət göstərəcək: "Sənədlərə görə Praqanın Karlin rayonu, Kaizlovy sady 434/13 ünvanında hüquqi qeydiyyata alınmış şirkətin təsisçiləri sabiq aparat rəhbərinin kürəkəni, hazırda "Rabitəbank"ın mərkəzi filialının direktoru, Bərdə şəhəri, Həzi Aslanov küçəsi 1-də qeydiyyatda olan Nəriman Muradov, onun ortaqları İlkin Həsənov və Ülvi Həsənzadədir. Turizm sahəsində fəaliyyət göstərən şirkət Praga Bələdiyyə Məhkəməsində C 266725 saylı lisenziya nömrəsi ilə qeydiyyatdan keçib.

Vidadi Zeynalovun oğlu Pərviz Zeynalovun və kürəkəni Nəriman Muradovun İstanbul Şişlidə də şərikli inşaat şirkəti var.

Yeznə-qayınların İstanbuldakı şirkətlərinin Nizamnamə kapitalı 100 min olub. Bunun 75 faizi Pərvizə, 25 faizi isə Nərimana məxsusdur.

Vidadi Zeynalov ötən il martın 15-də Sabunçu Rayon Məhkəməsinin qərarıyla azadlığa çıxıb".
 
Qlobal.Az
 

 

 

 

 




Oxşar xəbərlər

XƏBƏR LENTİ

Facebook